Ingminiiqattarniq pimmarialuuluni isumaaluutaungmat nunalingni. Qanuq tamanna kamagijaugiarunnaqpa?
Amisuungmata nunaqaqqaaqtuni nunaliit nunalilimaanginni qanuiliuriaqpallialiqtut qanuqtuuriarutigilugit amisuuluaqtut ingminiiqqataqtut. Kisiani, kiujjutiksait aaqigutiit tagvainnaujunangilat.
Sunauvat ilangit isumaaluutaujut ingminiirutauliqataqtutu?
Ingminiiqatarniq atausiiniarmik pijutaugajungittuugaluaq. Amisuugajuktut isuumaaluutaujut katisimajut inungmut nunalingmiunulluuniit saangajauliqpaktut. Ilangit ulurianarutauvaktut ingminiirnirmut, makua:
- Ingminik narruliqsimaniq
- saimaniqaruniirniq isumaagut
- aangajaarnaqtunik aturnirlungniq
- asingit ilangit ingminiiqataqsimajuit qatangutigiingni, piqatigijausuuni, uvaluunniit nunalingni
- ilagijaujujaaruunniirniq ilaminut, piqatigivaktaminut, ilianiarvingminut ammalu nunalingmiunut
- aaqiiqatigiiksimanginniq ugguarnirmik, quaqsaaqsimanivinirminigluuniit, inuuluni atuni uvvaluuniit nunalingmiuni
- taimaqattaqsimaaniktut suurlu ikpingnianikkut, arnarniaqtausimanikkut, timikkuluuniit pittiaqtauqataqsimannginiq
- ajuqsaluarniq
Tamakkua pijjutaujunnaqtut ilagijauqqattaqsimagaluaqsutik ingminiiqqatarnirmut, tukiqainasuungungituit Inuit ilanginni atuqsimajut, tamainigluunniit atuqsimajut tammakuni ingminiirumarninginnik.
Qanuq qaujijunnaqpunga ingminiiqtuqarumatillugu?
Ulurianaqtut nuiqataqtut kinatuinarmi ingminiirumajaaqtumi. Makuninga nalunaikkutaqaqataqtut.
- Ingminiirasuaqattaqsimaniq
- Uqqattalirniq imaagalak, “Tagvatuq tuqqungalirlanga” uvvaluuniit “Inuusiq suvalikiaq”
- saimmarunnailiniq isumanga
- assijjiqsimaniq iliqqusiagut suurlu tuniuqqailiqtuq nangminiq piqutiminik uvvaluunniit kiinaujanik atuqqatarninga assijjiqsimajuq
- assijjiqsimallarilirninga siniqattarningani – suurlul siniluaqatarlirniq uvvaluunniit sinigunailiniq
- assijjiqsimaniq niriqattarninga suurlu niriluaqqatalirniq uvvaluunniit kaalirunailisimaniq
Nunaqaqaaqtut nunaliit qanuiliurunnaqpat qanuqtuurutigigiarlugit ingminiiqattarniit?
Nunaqaqaaqtut nunaliit amisunik qanuiliurunnaqtuq, qassiinaruriarutauqqululgit ingminiiqpangniujut. Immailiurunnaqtut:
- Iliniarvingni sujaksaqaqtitauttiaqattarlutik ingminik saimaniqarunaqtunik piruqsautinik ammalu isumakut qanuinangitunik
- nunalingmiulimaat iliqusirminik aturlutik suruluujaqattarlutik ammalu mamisaittittiqattarlutik
- ujjiqtuttiarlutik ikajurunallariktut suurlu nunalingni pilirijiit/iqqanaijaqtiit, luutaaq, aaniasiuqtiit ammalu ilisaijiit iliniaqtitausimattiarninginnik ingminiiqtittitailimajulirinirmik.
- aangajaarnaqtunik ikajuqtaujjutinik atuinnautitilutik
- atuinaulutik paniqsiiviit ammalu uqqalagviksait ikajuqtiit ammalu piqatinginnut ikajuutiit, atunilu ikajuqtiqaqtitaulutik.
- qaujigiaqtauvalliaqatarlutik ingminiirumasimajut inuit.
Taakua amisut appiqqutaugajuktunut kiujjutiit sanajauqqaalauqtut Kanatalimaami Nunaqaqaaqtuit Aaniaqarnangittulirijiit Katujjiqatigiigjjuanginnut Kanatami Aanniaqarnangitulirijikkut Pilirijinginnut CHN-kunnut. Titiraqtaukkaniqtut tagvani apirijaulauqsutik CHN-kut (Canadian Health Network-kut).
