Ujjirusunnirmut Inuusirmik Tusaumaqatigiijjut piliriarijauvuq Kanatami Nunaqaqqaaqsimajunut Aanniananngittulirijiit Katimajinginnut. Taanna intuniatmi takujaksautittivik pijaksautittivuq iliqqusikkut ilingattiaqtunik tukisigiarutiksanik amma pijjutiksanik pijjutiqaqtunik imminiittailitittinasunnirmut ikajurasuksugit nunaqaqqaaqsimajut nunaminni piliriaqarasuttillugit imminiiqattanirmik maannakkut pitaqaluaqpattumik Allani, Inunni amma Allangajuni inuusuktuni Kanatami.
Ammalu suli pitaqaqtittisinnaaqsutik upagaksamik Nunaqaqqaaqsimajunut inuusuktunut uqalimaariaqturlutik miksaanut asimi kamagijaqaqtut ajjikasanginnik saqqiqsimajunik, taanna takuksautittivik tamakkuninga iqqanaijaaqaqtunik nunaqaqqaaqsimajunik inuusuktunik tusaumaqatigiigunnatittivuq, uqaqatigiigunnatittillunilu amma amiqqarunnatittilluni imminiittailitittinasunnirmut pijjutiksanik amma pilirijjutinik. Taaksumaniittut takuksautittivimmi titiqtuqsimajut imminiittailitittinasunnirmut pijjutiksait ilagiaqtauqattarniaqput qangatuinnakkut pitaqaqtitijjutaunasullutik Nunaqaqqaaqsimajut nunanginnut atangiisimajunik katiqsuqtausimajunik imminiittailitittinasunnirmut piqutinik.
Kiinaujaqaqtitaujuq Aanniaqarnangittulirijikkunnit Kanatami, taanna intuniatmi takujaksautittivik pigiaqtitausimavuq katujjillutik pinasuaqatigiinginnut Allait Aanniaqarnangittulirinirmut Pijittirautingannut Mialigani amma Allanut amma Inunnut Aanniaqarnangittulirivingannut Aanniaqarnangittulirijikkut Kanatami.
Kanatami Nunaqaqqaaqsimajunut Aanniananngittulirijiit Katimajingit nunaqaqqaaqsimajunut aaqqisuqtausimajuullutik amma aulataullutik timiuvut angiqsimajut surrautiniqarnirmut amma sivumuattittivallianirmut ilusinginnik amma qanuigutiqannginninginnik Nunaqaqqaaqsimajut qaujimanirmik tunngaviqaqtukkut pilirijjutikkut.
