Kuuk, inuusirmut

“Inuusira sapiliqtaranik, nipimi anirninni ingiqtuqalauqpuq”

Titiraqtangit Richard

Iqqaumajungasuli saniani nikuvingallunga sangijualungmi kuungmik, misigviginialiqsugu, ipilunga inuujuniirniarama. Pinasuarusiup sivuniani tagvunga tikilauqtinanga kappianaqtumut, inuusira piugingirjjualaurakku ammalu inuujjutiksaqarunniiqsunga. Inungnut piugijaulaunginnama, angajuqaakalu uvanik tukisijunangitsutik ammalu ikpingnialunga piungittumariunirmik ilukkut.

Imarmiilirmata itigakka, ikpingnialauqtunga sangininganik imaup, nusuksiniaqtumik taaqtumut. Tusaajara nipi uqaqtuq uvannut inuusiranik isulitiqujiluni maanakautigi. Taissumani unnungai, ilanga timiga ingirumalauqtuq. Ingilauqtuq pisiqmik inuusiqarnirmik, tainnalu uvangaunira inuujumalluni.

Takuniaqatarumalauqtunga asinginnik nunalingnik. Uvanuinaq asinnut qaujimajaungitumik, inuujumalauqpunga suli. Piqutitaarumalauqtunga, pinguaqtiujumallungalu tarrijautini.
Ilinniariarumalauqtunga silattuqsarvingmut ammalu takujariurumallugu California.

Aksulli, tauvani nikuvingallunga, inuusira isulittumallugu, atulaungilara. Ujjirililauqtunga piviksaqaqtitaunira inuuttiakaanirunarniq. Qaujililauqtunga inuusira saqqinniaqpuq inuusirmik qaitausimajumik.

Aksururnaqtukkuuraluarutta ammalu ajurnaqtuqaqataraluaqtillugu, qaujimajunga inuujumagama. Qujalijunga inuugama suli. Amisunut nunalingnuaqsimajunga. Silattuqsarvingmualauqtunga ammalu kiinaujaliuttialiqsunga niuvirutinik annuraanik sunagalangnilu, suurlu qaritaujarmik ammalu nijjausijaqtinik takuranaarutiksanik.

Ullumi, misingniaruma kuungmut, ujjiqtuttiaqpunga kuunguninganik tuqqumuungittuq, kisiani kuungujuq inuusirmut.