Immikkuungajut amma Maligaqtiguungajut

Ujjirusunnirmut Inuusirmik Tusaumaqatigiijjut maligiaqaqput ajjisainnanginnik immikkuungajunut maliktaujariaqaqtunik amma atuagarnik aulattijjutaujunik tamainnik Kanatami Nunaqaqqaaqsimajunut Aanniananngittulirijiit Katimajingita sulirianginnik. Taanna ilanga ilaqaqpuq pimmariuluaqtunik nalunaiqtausimajunik uqausituinnarmik atuqsimajunik ujjirusunnirmut inuusirmik naalattunik ammalu ijjuaqtaujjaikkutinut atuagattinnik qanuqtuusimallutik sanajausimajunut.

Ujjirusunniq Immikkuunganiq

Kanatami Nunaqaqqaaqsimajunut Aanniananngittulirijiit Katimajingit ujjirusupput amma angiqsimavut aaqqiumatittinirmut immikkuunganinginnik tamaita pulaaqtut taaksumunga takuksautittivimmut. Imminuinnaq ilingajut tukisigiarutiksait nuattilunied on taanna takuksautittivik miksaanut ivvit, uvvaluunniit aturniit taaksuminga takuksautittivimmik, is kikkutuinnaangittuq.

Imminuinnaq Ilingajut Tukisigiarutiksait

Imminuinnaq ilingajut tukisigiarutiksait (makua qarasaujakkut turaarutiit amma/uvvaluunniit atiit) nuattauvapput imaitillutit: tujuqtillutigu uqausiksannik, apiritillutigu apiqqutitsannik, atiliuqtautillutit kativimmut, uvvaluunniit tujuqtillutigu unikkaamik. Tusaqtinnasuttillutigu pitaqaqtittijariaqaqtitauvutit qarasaujakkut turaarutinnik.

Immikkuunganngittut tukisigiarutiksait nuatauvapput atuqtauningitigut "sivaujait," kisiani takujaksautittivipput tuqquqsivanngilaq sivaujarnik qarasaujannut. Sivaujait tamakkua mikijut qarasaujarnut titiqqaqutit nuttiqtauvattut qarasaujannut atuqtillutit takujaksautittivittinnik uvvaluunniit asianik intuniatmi takujaksautittivimmik, tamakkua qaujimajjutigijunnapattavut qanutigi kikkutuinnait takuniagalappammangaata takujaksautittivittinnut amma naliannik ilanginnik qimirruvammangaata. Tamakkua sanajjutigijunnapakkattigu intuniatmi takujaksautittivimmik maliksimaniqsamik pijariaqaqtannik. Tunisiqattajaanngittugut ilinnuinnaq ilingajunik tukisigiarutiksanik tususaarijinut amma asinginnut timiujunut uqausiqaqsimatinnak angiqsimajariaksannik. Kanatami Nunaqaqqaaqsimajunut Aanniananngittulirijiit Katimajingit aturunnaqput tukisigiarutiksanik sananasullutik katiqsuqsimajunik naasaqtausimajunik miksaanut aturniup, ilagijauniup, qangakkut aqqusaaqtaqtuqarniup amma asingita ilingajut takuksautittivimmut tukisigiarutiksait kikkuujarianginnik nalunaiqsimanngittunik pulaaqtunik. Taanna pimmariuvuq iluaniititavut amma pijittirautivut angumattiinnarunnaqullugit pijariaqaqtanginnik atuqtitta.

Tusaqtautittiniq unikkaannik

Tusaqtikuttigut unikkaannik, ujjirusukkajaqpugut ilinnuinnaq ilingajunik. Unikkaatit angirutauppata uqalimaagaliangujuksaliangunirmut saqqijaaqtitaugajaqput nalunaiqsimanngillugit kinamiinngaariaksangita (piqasiutisimanngilluni atiit) uvvaluunniit sivulliqpaanginnaq atiit, ataniutitaulutit. Unniit, nuattijariaqaqpugut atinnik amma turaarutinnik titiraqsimajuqutittinnut amma pinasulluta ijjuaqtaujjaikkutimik-pijunnautimik uqalimaagaliurunnanirmut amma tuniuqqaijunnanirmut unikkaannik.

Ijjuaqtaujjaikkut qanuqtuusimallutik sanajausimajunut

Tunisitillutigut unikkaannik qaujigiakkaniqtaugajaqpuq Kanatami Nunaqaqqaaqsimajunut Aanniananngittulirijiit Katimajingita aaqqiksuijinginnut amma, piqataulutit, aaqqigiaqtautuinnariaqaqpuq maliktitaunasulluni unikkaanik sananirmut atuaqsijjutittinnik. Kingulliqpaami unikkaaliat qanuqtuusimalluni sanajausimajuulirajaqpuq suli ivvit namminirilugu, kisiani Kanatami Nunaqaqqaaqsimajunut Aanniananngittulirijiit Katimajingit piniaqput pijunnautimik uqalimaagaliarijunnaqsilugu. Uqalimaagaliangulaunnginningani tikkuaqsiqujaugajaqputit Kanatami Nunaqaqqaaqsimajunut Aanniananngittulirijiit Katimajinginnut imminuinnaangittunik pijunnautinik uqalimaagalianguninganut unikkaavit Ujjirusunnirmut Inuusirmik Tusaumaqatigiijjutikkut. Imminuinnaangittuq tukiqaqpuq uqalimaagaliuqtituunnginittinnik pijunnarluta pijunnautinik unikkaannut. Suli namminiriniaqpatit unikkaatit amma tusaqtautigunnarlugit unikkaatit asingittinnut uqalimaagaliuqtinut. Tiligajaqpattigittauq pinasuqulutit pijunnautinik tuniuqqainirmut unikkaannik asinginnut kiinaujaliuqtiungittunut isumalirinirmut ilingajunut intuniatmi takujaksautittivinnut, pivaalliutigijunnarniarmagit asitta.

Saqqiiniq tuavirnaqtuqaqtillugu uvvaluunniit pirajannirmik suqquiqsinasuaqtuqaqtillugu

Kanatami Nunaqaqqaaqsimajunut Aanniananngittulirijiit Katimajingit saqqiijunnaqput imminuinnaq ilingajunik tukisigiarutiksanik angiqsimatinnak:

(a) uppirijaqarutta pivijjuarmik amma pitaqanngittuuniaqtuujaanngittumik ulurianaqtuqariaksanganik inuusinnut, ilusinnut uvvaluunniit attanaqtuqtaqaqpat ilinnut uvvaluunniit asinnut inummut.

b) suqquiqsinasulluta uvvaluunniit unikkaaliurutiqarasulluta sujuqaqsimaninganik isumagijattinnik tunngavitsaqattiarluta siqumittiniusugijattinnik maligarnik.

(c) saqqiijuqariaqaqpat uvvaluunniit saqqiijunnaqsijuqariaqaqpat maligaqtigut (uuttuutigilugu maligaliurujjijiujut pijunnarniqaqtitaulutik tuksirarunnanirmik pitaqaqtitauqujilutik nalliannilattaaq titiraqsimajuqutinik uvvaluunniit tukisigiarutiksanik).

(d) saqqiiniq pitaqariaqaqtuujaagalattillugu maligarnik maliktautittijit pinasugunnaqullugit piliriaminnik, uuttuutigilugik ukua:

(i) pitaqaqtailitittinirmut, qaujijautittinasunnirmut, suqquiqsinasuarnirmut, sapujjinirmut uvvaluunniit akijaujjutauninginnut pirajaksimajut; amma

(ii) atuinnaruqsainirmut, uvvaluunniit pitaqaqtittinirmut, kajusitittigiarnirmut iqqaqtuinirmik uvvaluunniit aaqqisigiarnirmik, uvvaluunniit atuliqtitauninginnik maliktauqujaujunik iqqaqtuivimmut uvvaluunniit aaqqisigiaqtinut.

Atuinnaqarniq tukisigiarutiksanik

Atii uqarvigiluta atuinnaqaqtitaujumaguvit ajjinginnik ilinnuinnaq ilingajut tukisigiarutiksait uvvaluunniit isumaguvit taikkua tukisigiarutiksait pisimajavut ilinnik pijjutiqaqtut maannalisattiangunngittariangita, naammanngittariangita uvvaluunniit tammaqsimajariangita. Pijunnautiqaqputit aaqqigiaqtauqujijunnanirmik naliannituinnaq tukisigiarutiksanik ilingajunik ilinnut amma tammaqsimajunik. Kanatami Nunaqaqqaaqsimajunut Aanniananngittulirijiit Katimajingit piiqsiquguvigit ilinnuinnaq ilingajunik tukisigiarutiksanik, atii qaujitikkajaqpattigut amma qanulimaaq naammagattunik pinasuarajaqpugut piiqtautigasuarlugit kisiani maligaqtigut papattiinnariaqaqtitaugutta.

Aanniaqarnangittuliriniq Pijittirautit Sakkuijjut

Ujjirusunnirmut Inuusirmik Tusaumaqatigiijjut inuusilirinirmut uvvaluunniit takujauqujinirmut pijittirautaunngittuq. Tainna intuniatmi takujaksautittivik saqqijaaqtittijjutauvuq ilusinginnik amma qanuigutiqannginninginnik nunaqaqqaaqsimajut pitaqaqtittinikkut pittiaqsimajunik amma iliqqusikkut ilingattiaqtunik aanniaqarnangittulirinirmut tukisigiarutiksanik. Tukisigiarutiksait pillugu taanna takuksautittivik atuqtaujuksaungittut suqquiqsinasunnirmut, piulisaqtaunirmut uvvaluunniit takujauqujinirmut pijittirautiutitaulutik amma Kanatami Nunaqaqqaaqsimajunut Aanniananngittulirijiit Katimajingit pitaqaqtittivanngilat tamakkuninga pijittirautinik intuniatkut. Inuit uqarviqaqtuksauvut luuttaaminnik, aanniasiuqtimik amma/uvvaluunniit nunalinni isumalirinirmut pigujjijiminnik tukisigiakkannirumagutik.

Kamagijaqariaqarniq asinginnik takuksautittivinnik

asianuurunnaqputit takujaksautittivittinnit amisunut asinginnut takuksautittivinnut saqqitittisimajunut tukisigiarutiksanik miksaanut aanniaqarnangittuliriniup. taimali tamakkua asianuurutit niruaqtauttiarasuaqsimagaluaqput, Kanatami Nunaqaqqaaqsimajunut Aanniananngittulirijiit Katimajingit ikajuqsummarinnatik ilulinginnik tamakkua takuksautittiviit amma ilulingit asianuurviujunnaqtut takuksautittiviit asirulauqattarunnaqput. timiujut amma inuit sanasimajut tamakkuninga asinginnik takuksautittivinnik qanulimaaq amma tamakkuatuaq kamagijaqariaqaqput ilulinginnik takuksautittivingita.

apiqqutiksaqatuaruvit, uqausiksaqaruvit uvvaluunniit isumaalugutiqaruvit miksaanut Immikkuungajunut Atuagatta, atii titirarvigiluta qarasaujakkut uvunga info@honouringlife.ca.